ما تقولشي لأ
إن كنت خايف من موج البحر
جرب تطير
يمكن فوق جناحاتك قدر
يحمل حلم البنات
ما تقولشي لأ
أصل العدم كلام اساطير
والتراب أصلك
والأصل يغلب علي طباع البني أدمين
أنا أصلي أصلك
والحب مشغول في قلبك
زي الشوك في قلوب المعشوقين
أنا أصلي أصلك
تعرف تدور علي الأصل زي المتأصلين
البلد دي مش بلدي
زي بلدك!
برضه مش بلد المطرودين
تحلم وأحلم
والحلم مشنوق
والشارع اللي دايسه من سنين
ناسه مش عارفه وشك
زيي برضه
مش ضمن الناس
بس عارف إن ماشي رغم تهتي
وسط بلدي
بس برضه هي بلدي
ترفضني
بلدي
ترميني
بلدي
ترفض ولا تقبل برضه بلدي
وأنا ماشي ودايس شوارعك
ترابك
وأصلي أصلك
تراب
وتراب بلدي يمكن يحن
الجمعة ١٤ تشرين الثاني (نوفمبر) ٢٠٠٨
