الخميس ٢٧ نيسان (أبريل) ٢٠٠٦ بقلم
دكتاتوره؟؟!!
ترا أسألى سؤال
ومتأكد..ماترجى جوابا
جوابك فى السؤال,
تلحقيه ابسؤال
والجواب عندك ما يشفيه
الا جوابك
تسألى
واتجاوبى
واتردى على روحك
الشورا
يا دكتاتورا
+++
دكتاتورا واتقوليها
يا غريبة الطبع
والصورا
دكتاتورا..
يامحلاه
الدكتاتور
عندا محاكم
نقض
واستئناف
عندا محاضر استدلال
وشورا
وانت شنو
عندك منهن
يا دكتاتورة
+++
ياسمحة المثايل
يا ماء عذب..
زلال
وسايل
شنو عندك
م الدكتاتور
يادكتاتورا
يامحلاه هتلر
فى زمانه
واللى تالاه
فرانكو فىايامه
قتل مليون لوركا
حكا التاريخ
عن قسوته
وطابوره
وضج العالم
من جبره
وجوره
و يا دكتاتورا
عنداجيوش
مجروره
لكن
يسمع الناس
عندا اوراق
ومحاضر
ومحاكم
وشورا
يا دكتاتورا
وحتى تيمورلنك القاسى
شاور بن خلدون
وجالسه فى امورا
وانت شنو عندك
يا دكتاتورا
+++
دكتاتورا
يا ما سمح طاريهم
اللى اتمثلى
بيهم
شفتى يوغسلافيا
بعد تيتو
تقسمت بر وابحوره
والصومال بعد زياد
والكونغو بعد موبوتو
وحتى العراق بعد صدام
يا محلاهم امعاك
كانوا ماسكين النص
م العصا
وعرفنا بعدهم
كيف الدم
دار شلال
من النهر للبحر
حتى الما قعد
احموره
والوطا
بلا أخضورا
يا دكتاتورا
+++
يا دكتاتورا
حرمت علينا قول
سمحه
وانت سمحة...
يا دكتاتورا
لكن ارضا ابحكمك
وعلى اعيونك
يا دكتاتورا
على ننحنى
ونقول
انت أ شين وحده
يا دكتاتورا
لكن ترا اسألى
اللى ما يهمهم جوابك
يكتبوا بالخط العريض
يلهجوا بلسان فصيح
فى عيونهم ملايين الحكايا
يسردوا وجدهم
ويتغطوا بنجوم الليل
ويناجوا فى سرهم:
انك اجمل وحده
فى المعموره
يا د..ك..ت..ا..ت..و..ر..ا..
