مش كل من كتب ينقرا!!

ترا جيب الورق

واقرا من جديد

مش كل حرف ينقرا

ولاكل سطر يورد.. جديد

جيب الورق واقرا..

فيه ناس تكتب فى حروف

أتعجب..

فيه ناس.. تستهلك

ورق واحبار ووقت..

والزمان مفلوت منهم

وما ينقروا!!

لكن.. فى بالى حروف

ترا جيب الورق

وابعد عنى

كل تمويه

كل رداءة وقبح

وهات حروف تنقرا

ترا جيب الورق

جيب الورق

فيه ناس فى بالى

ألهم بها

ومش كل من كتب

ينقرا

ولاكل من يروى حكاية

تنشرا

جيب الورق

نقروا من اول السطر

انتعلموا الابجدية من جديد

انتعلموا

ونصمتوا

فيه احروف يبن هدوء

وهسهسة

وزنهن تبر

غار جيب الورق وتوا تقرا

الى عمرك

ماقريته

ترا جيب الورق