فــي مرايتي

أبُص الصبح في مرايتي

وما أعرفني

أحاول افتكر نفسي

وأفتش فجأة في بدايتي

وما الاقيني

وألمح في السما نـهايتي

وأشوف نجمة هتهديني

أتوه منها قوام وارجع

لنفس ما كُنت انا عـايش

والاقي الشك غّلبني

وفـ الأوهام بيرميني

ويلعب بيا وأسلم

ماعدتش أقدر اتكلم

وأقول للحظ أحميني

 

أبص الصبح في مرايتي

ألاقي إني مكبرتش

واشوف حاجا انا اعرفها

الاقي إني معرفتش

وأقيس بالخطوة أحلامي

ولسا برضو موصلتش

أعاند الحياه مره

وأكسبها وأغلبها

وفجأة تيجي تغلبني

وأنا لسايا ملعبتش

وأقول يا دُنيا ليه ظالمه

تقولي إنت ما عافرتش

وأحاول مره والتانيه

وأقول لسايا مخسرتش

وألمح فـ العيون شيبتي

أقول لسايا مكبرتش

أقول لسايا ليه عايش

لا يوم هقدر ومقدرتش .... ـ