بنت الجيران

بنت الجيران كانت تملى صغيرة
البراءة فى العينين..
والخواتم فى الإيدين ..
وخده العروسه فى حضنها
بيتها القديم كان عند سور المدرسة..
تجرى وتلعب زى البنات لما أبوها يقو ل لها
بس أما تنده حلمها وتقولها على اسمها..
تنسى الحروف
تمسك شريطة من الحرير
وتلم بيها شعرها
كان حلمى طاير مع كل حرف فى اسمها..
زى الضفاير لما النسيم بيهزها
أنا كنت بكبر وهى لسه صغيرة..
وارسم حكاية من الخيال
يمكن فى يوم أوصلها
لكن خلاص ..
كبرت خلاص ..
عرفت وقالت اسمها
حلّت ضفاير شعرها..
سابت البيت القديم..
عدت السور والسنين
كل الأمانى اتغيرت..
زى العروسه اتكسرت
راحت يا قلبى واختفت ..
أجمل براءة عرفتها

كان حلمى

كان حلمى ليها ناى وقانون
والعشق فيا كأنه قانون
حكم عليا أعيش مسجون
وأسكن عينيها منين متروح
كان حلمى ساقيه وشجرة توت
وعيدان خضارا تعيش متموت
تدور يا حلم بقوة وصوت
تخلى فيا الحب يبوح
مسحور كأنى بقيت من الجان
وصوتها فيا كأنه أدان
إزاى حبيبتى أكون سجان
وأنا فى هواكى بقيت مدبوح

من الأول

من الأول .. عيدى الكلام ..من الأول.. كملى قصة خداعك
دورى على ألف عذر .. يبرئك من ذنب عيشته فى حياتك
انسى يدموع أى شوق كان يوم معاها
وارفض يا قلب نكون سوا واحرق غرامى لهواها
قلها .. أنا ملك روحى وكيانى .. مش حد تانى
ارمى فى بحور الهوا قصتى من يوم ما جانى
مين يحسك يا برئ غير قلب مسجون فى حكاياته
بيتنسى .. وتروح معاه قصته فى زحمة سكاته
عيدى اللى عدى من انهارده .. ده يوم حدادى
لحظة وداعك يا هوى .. ده يوم ميلادى
اتكلمى .. ادينى عمرى اللى اتسرق منى وغرامى
رجعينى.. يوم لما شوفتك والهوا غطى الحقايق
بسحب كلامى اللى اترسم حلم لأهاتك
كان لازم اعرف من البداية كل حكاياتك

أه حبيت

أه حبيت ومكنتش خايف ..
أه حبيت ومكنتش عارف..
إنى هتنسى
كنت عايزها لنفسى حكاية
تفضل طول العمر معايا ..
تنور دنيتى
كنت أنانى أكيد منكرشى
إنسان عايش عمره بيبكى
من جرح فى قلبه عايش
يهوى يشوف أحلام بتموت
من غير أى عذاب ولا صوت
ينده لما الحلم يفوت..
ويندم على اللى راح
قلب هوايته يعيش سجان..
ولا فيه يوم هيكون إنسان..
تايه وسط الدموع
كل كلامه من وراء قلبه ..
أى اتنين عايشين بيحبوا ..
بيطفى لهم شموع
كانت عايشة معاه فى قصور..
عايزه تكون وتعدى السور .
طيره وكل جناح مكسور..
بريئة فى حلمها
كنت بعيش أوقات متحير ..
وأما حاولت أكون وأتغير ..
الوقت فات وانتهى
حتى حنينى كان كداب ..
حب حقيقته إنه عذاب ..
حلم وراح وسط الأحلام ..
يا دموعى اتكلمى
أنا عايش دمع وأحزان
ولا فيه حل غير النسيان..
ابعدى عنى كمان وكمان..
سامحى لو تقدرى
ابعدى أد ما حبت عينيك..
انسى عذابك ألمك ويلك ..
افتحى حضنك للى يجيلك ..
طعم الحب يحلى مرار
اقسمى حبك ويا حبيبك .
داوى سكاتك لحظة طيشك ..
ضمى جناحك تانى وطيفك ..
خلى دموعك تطفى النار
خلينى ذكرى كلامها بيجّرح ..
سيبى فى قلبى جرح بيوجع ..
يمكن يوم اتعلم واعرف
معنى الفرح
خلينى شمعة تنور ليكى
أى حبيب هيفرط فيكى..
اتعلم قلبك قبليكى ..
معنى الجرح
اسمك إيه
حبيتك قبل ما قلبى يعرف حتى اسمك إيه
ولقيتك عارفه غرامى واسمى وليه حبيتك ليه
حبيت فى عينيكى كسوفها لما تبص فى عين الناس
حبيت ولا مرة جريت على قلب وكان مليان إحساس
تعالى نكتب أول حرف .. اسمى فى قلبك حرف بحرف
خلى فى قلبك صورتى واسمى تفتكرينى بأول حرف
أنا عاشق كل هواكى ويوم فى لقاكى ده بتمناه
واستنى الليل ونجومه وقمره ونوره أعيش وياه
خدنى يا قلبى لدنيا هواها .. حلمى ده طاير فوق فى سماها
وأنت يا حب يالا تعالى .. احكى وقولى اسمها إيه
يا حبيبتى أنا أسمى حبيبك صوتك حبك كل هواكى
بتمنى غرامك ليلك سحر عيونك كل رضاكى
سامع صوتك كل أهاتك .. ضحك عيونك وابتساماتك
أنا من نظرة حبيبتى هويتك .. قبل ما أعرف اسمك إيه

لما أخطر على بالك

عايزك لما أخطر على بالك
تتكلم وتقول بهواك..
وأنا هسمع صوتك وكأنى
جنبك ومعاك
أنا قلبى تملى بيسألنى
ياحبيبى عليك
وكمان الليل لما تطّول
بينادى عليك
لو حاول قلبك يندهلى
ويخدنى إليك
غمض تلاقينى قصاد عينيك
عايش حواليك
الدنيا هتفضل مش دنيا
طول ما أنت بعيد
وأنا شوقى هيفضل جوايا
يكبر ويزيد
كل العشاق لما بتبعد
بتقرب من لمسة إيد
وأنا قاعد أفكر وحدانى

لمّا أنت تغيب

قدرنا كده
قدرنا كده ..
نعيش سنين ..
نحلم كتير ..
والحلم يبقى مش لنا
نمشى فى طريق
ونحسبه بحق وحقيق
من غير صديق يدلنا
وإن شفنا فرح جوا العيون ..
حلاوته أكتر مننا
تيجى الدموع ..
تطفى الشموع ..
وتقول مكانا مش هنا
حاولنا أد ما قدرنا ..
نشد بعض من الفراق
يمكن هوانا تانى يضمنا
وسألنا كل العاشقين ..
عن قلب مجروح زينا..
مليون حكاية قالت لنا
غير البعاد مسموح لنا
لكن النصيب قسم لنا و شاور لنا
على حلم أقوى مننا
كان نفسنا غرامنا يفضل ملكنا ..
وحنينا اللى حضنا فى ليل ..
بقى حلم ضايع زينا
وبقينا نهرب من الأشواق ..
بعد أما كنا اتنين عشاق ..
الحب يجرى فى دمنا
وداع يا حب ياللى سكنت فى يوم
عنينا وقلبنا ..
قدرنا كده