مــين قــال لــك ؟؟

مين قــال لك
انا لســــــه بحبــك
أو إني بمـوت ف هــواك ؟؟
يا بايع حبــي المــاضـي
اتعودت خلاص انساك
مين قــال لك انو غرامك
عايش دي الوقت بقلبي
او اني بعيش على ذكراك ؟؟
مين قال لـك
انـا لســه بحبـك ؟؟

يا جارح قلبي ومعذبني
يا بايع حبي ومتعبني
اوعى تفكر ان القلب بغيرك
مش ح يحب ومش ح يعيش
اوعك تحسب ان القلب بغيرك
مش رح ينبض بغرام جديد
اوعى تفكر بعد عذابك
قلبي الطيب خالي او زعلان
بحلفلك بليالي خيانتك
وبرحلة غدرك ووقاحتك
انا لسه بحب ومش حيران
انا لسه العاشق والولهان
انا لسه بخط بقلمي
شعر الهايم والهيمان
لكن مش بعشق سحر عينيك
ولا هايم ف غرامك
او ملك ايديك
مين قال لك
انا لســـه بحبك
او اني بموت ف هواك
؟؟

انا عاشق اللي عاشقني
وفي عيونو وقلبوا مسكني
انا عاشق اللي وفا لي
وما بنامش الليل علشاني
انا بعشق زهرة حبي
وعيون القلب الصافي
قلب الايمان المتجدد
ف عيون الوجه الباسم
كل ما بدر الليل بيطلع
او شمس الصبح بتقشع
انا عايش بغرام جديد
انا مثل الشمس اللي تغمض
في الليل عيونها
وبتطلع كل صباح
بشعاع جديد