الجمعة ٢٢ شباط (فبراير) ٢٠١٣ بقلم
قطعة سما
في عيون بتنام على ضوّ الشموع
وجفون بالسهر أخدت دروس
وإيدين بتلوّح لمسافر حتّى يرجع
وقلب إمّ محروق على ولدها بيفجع
ونواطير طمعِت وسرقِت الكروم
والراعي هرب و ترك وراه ألف خروف
هيدا لبنان اللي فيه الفقر والجوع
طوائف عم تنهش فيه بإسم القانون
هيدا سويسرا الشرق صار متل الكهوف
وحيد متروك متل الشجرة من دون فروع
وينك يا جبران تشوف بلبنانك شو صاير
وينك يا الله عقطعة من سماك ضلّك ساهر
