مننا فينا

مننا فينا وحوش وسطينا

مننا فينا اللي بيأذينا

مننا فينا الظالم حالف

ما هيتركنا ولا يخلينا

مننا قاتل مش بيداري

انه هيفضل يقتل فينا

مننا سارق خيري وخيرك

وبيشتري بيه سلاح يفنينا

مننا قاتل حلمي وحلمك

واللي حرمنا نشوف بعنينا

مننا فينا اللي بيحرمنا

من طلعة شمس هتشفينا

مننا كل اللي بيجرالنا

علشان حقنا ضاع بإيدينا

طول ما الدم الغالي بيرخص

بحر دماء مش هيكفينا

لما يتوه العدل مابنا

عمر ما فيه شيء راح يحيينا